Qışa Hazırlıq: Elektrik, Hibrid, Avtomat və Mexaniki Avtomobillər üçün Vacib Baxım Qaydaları

Azərbaycanda havaların soyuması ilə avtomobil sahibləri üçün yeni bir məsuliyyət dövrü başlayır. Qış fəsli təkcə yolları deyil, həm də avtomobilin texniki vəziyyətini sınağa çəkir. Soyuq hava mühərrikin işinə, batareyanın ömrünə, təkərlərin dartma gücünə və ötürmə sistemlərinə birbaşa təsir edir. Ona görə də hər sürücü qış gəlməmiş avtomobilini tam baxışdan keçirməli və düzgün qulluq planı tətbiq etməlidir. Aşağıda elektrik, hibrid, avtomat və mexaniki avtomobillər üçün ən vacib baxım qaydalarını ardıcıl şəkildə təqdim edirik.
Xoş oxumalar😊

⚡ Elektrik avtomobillər (EV)

Elektrik avtomobillər qışda enerji sərfiyyatını artırır, çünki batareyalar soyuqda daha az səmərəli işləyir.
Vacib qulluq məqamları:
- Batareyanın vəziyyətini yoxla: Qışda batareya tutumu azalır. Mümkünsə, avtomobili gecələr qapalı qarajda saxlamaq və batareyanı 80-90% səviyyəsində saxlamaq tövsiyə olunur.
­- İsitmə sistemini düzgün istifadə et: Salonun istiliyini artırmaq üçün əvvəlcədən (avtomobil şəbəkəyə qoşulu vəziyyətdəykən) qızdırma funksiyasını aktiv et. Bu hərəkət zamanı enerji itkisinin qarşısını alacaq.
- Təkərləri və əyləc sistemini yoxla: Regenerativ əyləcləmə (enerji bərpası) sistemi sürüşkən yollarda fərqli davrana bilər. Soyuq mövsümdə xüsusi qış təkərlərindən istifadə vacibdir.
- Yükləmə kabellərini qoru: Kabelin uclarını quru və təmiz saxlamaq, don vurmanın qarşısını alacaq. Hansı ki, təhlükəsizlik üçün vacibdir.

🔋 Hibrid avtomobillər

Hibrid avtomobillərdə həm benzin mühərriki, həm də elektrik sistemi olduğuna görə qışda hər iki hissəyə diqqət yetirilməlidir.
Vacib qulluq məqamları:
- Batareya və mühərrik sinxron işləməsini yoxla: Soyuq havalarda sistem mühərriki tez-tez işə salır. Yağ keyfiyyətinə və səviyyəsinə diqqət et.
- Soyuducu və antifriz səviyyəsini yoxla: Elektrik komponentlərini qorumaq üçün antifrizin dərəcəsi -40°C-yə qədər uyğun olmalıdır.
- Salon istilik sistemi: Bəzi hibridlərdə istilik yalnız benzin mühərrikindən gəlir, ona görə mühərrik tez isinmirsə, hava filtrlərini və radiatorun təmiz qalması tövsiyə olunur.
- Qısa məsafələrdən qaç: Qısa məsafəli sürüşlərdə batareya tam isinmir və yanacaq sərfiyyatı artır.

🚘 Avtomat ötürməli avtomobillər

Avtomatik transmissiyalı avtomobillər qışda xüsusilə diqqət tələb edir, çünki transmissiya yağı soyuqda qatılaşa bilər.
Vacib qulluq məqamları:
- Transmissiya yağını yoxla: Səviyyə az və ya rəngi tünddürsə, dəyişdir. Soyuq havada köhnə yağ ötürmədə sürüşmə və gec keçidlər yarada bilər.
- Əyləc sistemini yoxla: ABS sistemi buzlu yolda düzgün işləməsi üçün təzyiq bərabər olmalıdır.
- İsinmə müddətini gözlə: Mühərrik və transmissiya yağları bir qədər isinmədən qəfil hərəkət etmə.
- Qış rejimi (Winter mode): Avtomobilində varsa, bu rejimi aktiv et - dartma qüvvəsini tənzimləyir və təkərlərin sürüşməsinin qarşısını alır.

🚗 Mexaniki ötürməli avtomobillər

Mexaniki avtomobillər qışda daha çox sürücünün ustalığından asılıdır.
Vacib qulluq məqamları:
- Debriyaj sistemini yoxla: Soyuq havalarda hidravlik maye qatılaşır, pedalda sərtlik yaranırsa, maye səviyyəsini və keyfiyyətini nəzərdən keçirt.
- Sürət qutusu yağı: Uzaq məsafəli sürüşlərdə yağ qızana qədər dişlilər daha sərt keçə bilər, buna görə yağın dəyişmə intervalına riayət et.
- Qış təkərləri və təzyiq: Mexaniki avtomobildə dartma tam sənin idarəndədir, ona görə düzgün təzyiqli və keyfiyyətli qış təkərləri mütləqdir.
- Əyləc və əl əyləci: Don vurmuş əl əyləcini istifadə etmə, onun əvəzinə sürətə qoyaraq saxla.

🧩 Yekun hissə
Qış mövsümünə hazır olmaq təkcə avtomobilin ömrünü uzatmır, həm də təhlükəsizliyi artırır. Soyuq havalarda ən kiçik laqeydlik - zəif işləyən batareya, donmuş əyləc sistemi və ya uyğun olmayan təkərlər -ciddi problemlərə səbəb ola bilər. Bu sadə, amma vacib addımları izləməklə avtomobilini həm texniki, həm də təhlükəsizlik baxımından qışa tam hazırlaya bilərsən. Unutma, Avtoreport.az ilə avtomobilinin elektron servis kitabçasını idarə etmək və baxım tarixçəsini izləmək artıq çox asandır. Çünki düzgün qulluq düzgün məlumatdan başlayır.
Oxuduğunuz üçün təşəkkür edirik😊