Xəbərlər Bizdən Danışır!

Sputnik Azərbaycan https://az.sputniknews.ru/20230412/v-azerbaydzhane-teper-mozhno-uznat-vsyu-istoriyu-svoego-zheleznogo-konya-453673403.html

Proqramçılar hər bir avtomobil sürücüsü üçün maraqlı olacağına inandıqları platforma hazırlayıblar.
BAKI, 12 aprel - Sputnik. Azərbaycanda işlənmiş avtomobillərin istismar tarixinə indi rast gəlmək olar.

Sputnik Azərbaycan xəbər verir ki, “ND Opinions” MMC-nin proqramçıları işlənmiş avtomobillərə xidmətin tarixini öyrənə biləcəyiniz sayt və mobil tətbiqetməni istifadəyə veriblər.

Proqram Autoreport adlanır, bu barədə agentliyə şirkətin direktoru Raci Güləmirov məlumat verib. Bu layihə Kiçik və Orta Biznesin İnkişafı Agentliyindən Startap sertifikatı alan beş layihədən biri idi."Layihəmiz satdığımız avtomobillərin texniki vəziyyəti ilə bağlı yanlış məlumatların aradan qaldırılması məqsədi daşıyır.

Yəni bizim platformamızı xidmət gündəliyi də adlandırmaq olar. Tutaq ki, mənim vaxtaşırı balanslaşdırdığım, yağı, yanacaq injektorlarını və hissələrini dəyişdirdiyim bir avtomobilim var. Lakin satış zamanı görülən işlər, manipulyasiyaların tarixi və yatırılan vəsait haqqında məlumatı təsdiqləyə bilmirəm”, - deyə tərtibatçı bildirib.

Platforma müştərilərin, özəl ustaların və rəsmi xidmət mərkəzlərinin məlumat bazasını yaradacaq. Sonuncular, istəsələr, işləri haqqında məlumatları daxil edə, müştərilərə endirimlər barədə məlumat verə, müştərilərini genişləndirə və hətta yeni ünvana köçmələri barədə məlumat verə biləcəklər.

Öz növbəsində, avtomobil sahibləri yalnız daxil edilmiş məlumatları təsdiqləyə bilərlər.
"Məsələn, axtarış zamanı avtomobilin hansı servis mərkəzində, hansı tarixdə və kim tərəfindən təmir olunduğunu öyrənmək mümkün olacaq. Avtomobil sahibi bütün məlumatları bazaya daxil etməkdə maraqlı olacaq, çünki gələcəkdə maşını satarkən o, nəqliyyata yatırılan sərmayənin məbləğini sübut edə biləcək” , - həmsöhbət əmindir.

Daima yeni xəbərlərdən xəbərdar olmaq üçün Qeydiyyatdan keçməyi unutmayın!

https://autoreport.az/register

https://www.youtube.com/@autoreport_az

www.autoreport.az