Avtomatik Sürətlər Qutusunun Sıradan Çıxmasının 10 Səbəbi

Avtomatik sürətlər qutusunun (transmissiya) sıradan çıxmasının 10 səbəbi
Sürətlər qutusu müntəzəm texniki xidmət və diqqətli əməliyyat tələb edən mürəkkəb mexanizmdir. Bu qaydalara əməl edilmədikdə transmissiyanın vaxtından əvvəl aşınmasına gətirib çıxarır.
Sürətlər qutusunun pozulmasının aşağıdakı 10 səbəbinə nəzər yetirək:

-Transmissiya yağının olmaması və ya çirklənməsi
Niyə: Yağ yağlama, soyutma və qoruyucu funksiyaları yerinə yetirir. Onun çatışmazlığı və ya çirklənməsi hissələr arasında sürtünmənin artmasına və sürətlənmiş aşınmaya səbəb olur.
Necə qarşısını almaq olar: Yağ səviyyəsini mütəmadi olaraq yoxlayın və istehsalçının tövsiyələrinə uyğun olaraq dəyişdirin.

-Transmissiyanın həddindən artıq istiləşməsi
Niyə: Həddindən artıq qızmaya müxtəlif amillər səbəb ola bilər - ağır qoşquların çəkilməsi, yüksək sürətlə uzun müddət işləmə, yüksək sürətlə yoxuşa qalxmaq, tez-tez edilən drift və s. Yüksək temperatur hissələrin deformasiyasına və sürtünmə disklərinin məhvinə səbəb olur.
Necə qarşısını almaq olar: Sürət qutusuna uzunmüddətli yüklərdən qaçının və mühərriki çox qızdırmayın, soyutma sisteminin vəziyyətinə nəzarət edin.

- Aqressiv sürücülük tərzi
Niyə: Tez-tez mühərriki kəskin işə salmalar, əl əyləcinin sürətli və düzgün dəyişdirilməməsi transmissiyanı yükləyir, bu da sürtünmə disklərinin və digər hissələrin sürətlə aşınmasına və sıradan çıxmasına səbəb olur.
Necə qarşısını almaq olar: Yumuşaq və orta sürətli sürüşə özünüzü öyrəşdirin.

- Sürtünmə disklərinin aşınması
Niyə: Sürtünmə diskləri normal sürüş qaydaları ilə sürülən avtomobillərdə də, zamanla köhnəlir və xüsusiyyətlərini itirir.
Necə qarşısını almaq olar: Sürtünmə disklərinin vəziyyətini mütəmadi olaraq yoxlayın və zəruri hallarda onları dəyişdirin.

- Hidravlik qurğunun zədələnməsi
Niyə: Hidravlik blok transmissiyanın işinə nəzarət edir. Onun sınmasına yağın çirklənməsi, hissələrin aşınması və ya mexaniki zədə səbəb ola bilər.
Necə qarşısını almaq olar: Yağ və filtrlərini mütəmadi olaraq dəyişdirin və avtomobilin alt hissəsinə dəyə biləcək kəskin zədələrdən ehtiyatlı olun.

- Elektronikanın nasazlığı
Niyə: Müasir avtomobillərin transmissiyası mürəkkəb elektronika ilə təchiz olunub. Elektrik sistemdə yarana biləcək dalğalanmalar, nəmliyin yaranması və ya mexaniki zədə nəticəsində Elektronika sistemini poza bilər.
Necə qarşısını almaq olar: Avtomobilin elektrik sisteminə ehtiyatla yanaşın və içəriyə su və ya nəm daxil olmamasına diqqət edin.

- Mexaniki zədələnmə
Niyə: Zərbələr, toqquşmalar və digər mexaniki zədələr sürətlər qutusu korpusunun deformasiyasına, valların və digər hissələrin zədələnməsinə səbəb ola bilir.
Həmçinin, tıxac və ya sürüş zamanı “neytrala” keçirtmək, transmissiyanın sisteminin pozulmasına gətirib çıxarır.
Necə qaçınmaq olar: Yollarda və tıxaclarda avtomobilinizi yumşaq və diqqətli idarə etməyə  diqqət edin.

- Aşağı keyfiyyətli yağdan istifadə
Niyə: Aşağı keyfiyyətli və ya zamanında dəyişilməmiş yağ, “kitab” adlandırdığımız detalın və sürətlər qutusunun digər hissələri üçün lazımi qorunma və işləmə təmin etmir və onların aşınmasını sürətləndirir.
Necə qarşısını almaq olar: Yalnız istehsalçı tərəfindən tövsiyə olunan yağdan istifadə etməklə, zamanını keçirmədən yağın dəyişilməsinə nəzarət edin.

- Ağır qoşquların çəkilməsi
Niyə: Avtomobiliniz ilə ağır qoşquların çəkilməsi və ya avtomobilinizi dartqıya qoşmaq sürətlər qutusuna gərginlik gətirir, bu da həddindən artıq istiləşməyə və aşınmaya səbəb olur.
Necə qaçınmaq olar: Ağır qoşquları uzun müddət yedəkləməkdən çəkinin.

- Soyuq yağda sürmə
Niyə: Soyuq yağın özlülüyü yüksək olur. Avtomobili işə saldıqdan sonra, mühərrikin qızmasını gözləmədən, isinməmiş soyuq yağla avtomobili idarə etməyə başlamaq, transmissiyanın işləməsini çətinləşdirir və hissələrin sürətlə aşınmasına səbəb olur.
Necə qaçınmaq olar: Sürməzdən əvvəl mühərriki qızdırın.

Ümumi rəy
Sürətlər qutusuna müntəzəm texniki qulluq qəzaların qarşısını almağa və onun xidmət müddətini uzatmağa kömək edəcəkdir. Sürətlər qutusu diaqnostikası və təmiri üçün ixtisaslaşmış ustalara müraciət edin.

Qeyd: Yuxarıda qeyd edilən səbəblər tam deyil və sürətlər qutusunın pozulmasının səbəbləri hər bir konkret hal üçün daha mürəkkəb və fərdi ola bilər.

Yeni xəbərlərdən xəbərdar olmaq üçün qeydiyyatdan keçməyi unutmayın!
https://autoreport.az/register
https://www.youtube.com/@autoreport_az
www.autoreport.az