Mühərrik Yağ Filtri

Mühərrik yağ filtri nədir?

Mühərrik yağ filtri (yağ süzgəci) mühərrik yağı içərisindəki kir, toz, metal qalıqları və digər çirkləndiriciləri süzərək, mühərrikin təmiz yağla işləməsini təmin edən bir hissədir. Bu filtr mühərrik yağının dövriyyəsi zamanı zərərli hissəcikləri tutaraq, mühərrikin uzun müddətli və səmərəli işləməsinə kömək edir.
Yağ filtri adətən müəyyən kilometrdən bir dəyişdirilməlidir, çünki filtr dolduqca onun funksionallığı azalır.

Yağ filtrinin sıradan çıxma səbəbləri nələrdir?

Yağ filtri bir neçə səbəbə görə sıradan çıxa bilər. Bu səbəblərdən bəziləri aşağıdakılardır:
-Çirk yığılması: Zamanla filtr içərisində toz, kir və digər çirkləndiricilər yığılır. Filtr dolduqda, o artıq mühərrik yağını düzgün süzməyə bilmir və bu da filtrin sıradan çıxmasına səbəb olur. Bu halda filtrin dəyişdirilməsi vacibdir.

-Zəif keyfiyyətli filtr: Aşağı keyfiyyətli və ya uyğunsuz yağ filtrləri tez sıradan çıxa bilər. Keyfiyyətsiz materiallar və ya dizayn filtrin təzyiqə və temperatur dəyişikliyinə qarşı dayanıqlığını azalda bilər.

-Yanlış quraşdırma: Yağ filtrinin düzgün quraşdırılmaması onun sızmasına və ya təzyiq problemi yaratmasına səbəb ola bilər. Quraşdırma zamanı filtrin möhürlənməsi və sıxlığı düzgün yoxlanılmalıdır.

-Uzun müddət dəyişdirilməməsi: Müntəzəm olaraq dəyişdirilməyən yağ filtrləri tıxanır və düzgün işləməyə bilər. Bu da mühərrik yağına maneə törədərək, mühərrikdə zədələrə səbəb ola bilər.

-Yağ təzyiqi problemləri: Mühərrikdə həddən artıq yüksək yağ təzyiqi varsa, bu, filtrin işini pozaraq onu zədələyə bilər. Bu təzyiq problemi filtrin deformasiyasına və ya zədələnməsinə gətirib çıxara bilər.

-Yağın pis keyfiyyəti: Keyfiyyətsiz və ya çirklənmiş yağın istifadəsi filteri tez sıradan çıxara bilər, çünki bu cür yağda daha çox çirkləndirici olur.

Yağ filtrinin sıradan çıxması mühərrikin səmərəliliyinə ciddi təsir göstərə bilər, buna görə də onu mütəmadi olaraq yoxlamaq və vaxtında dəyişdirmək vacibdir.

Yağ Filtri aşındıqda mühərrikdə hansı problemlər yaranır?

Yağ filtri aşındıqda və ya düzgün işləmədikdə avtomobildə bir sıra problemlər yarana bilər. Aşınmış yağ filtrinin yaratdığı əsas problemlər aşağıdakılardır:

-Mühərrikin aşınması və zədələnməsi
Yağ filtri çirkli olduqda və ya işləmədikdə, mühərrik yağı içindəki toz, metal qalıqları və digər hissəciklər mühərrikə daxil ola bilirki, bu da öz növbəsində mühərrik hissələrinin, xüsusən də porşenlər və silindrlərin sürtünməsinə və aşınmasına səbəb olur.

-Mühərrik yağı təzyiqinin düşməsi
Tıxanmış və ya zədələnmiş yağ filtri yağ axınına mane olur, bu da mühərrikdə yağ təzyiqinin aşağı düşməsinə gətirib çıxarır. Yağ təzyiqi çox aşağı olduqda, mühərrik hissələri kifayət qədər yağlanmır və sürtünmə artır.

-Mühərrikin həddindən artıq qızması
Yağ filterinin düzgün işləməməsi komponentlərə yetərli qədər yağ ötürə bilmir və nəticədə mühərrikdə soyuma səviyyəsi azalır və qızmağa başlayır. Bu da zamanla mühərrik komponentlərini vaxtından əvvəl sıradan çıxara bilər.

-Yanacaq sərfiyyatının artması
Zədələnmiş və ya tıxanmış yağ filtri mühərrikin daha çox güc sərf etməsinə səbəb ola bilər, çünki mühərrik düzgün yağlanmadıqda, daxili hissələr daha çox sürtünmə və müqavimətlə işləyir. Bu da yanacaq sərfiyyatının artmasına səbəb olur.

-Mühərrik işıqlarının yanması
Aşınmış və ya tıxanmış yağ filtri səbəbindən mühərrikdə problem olduqda, "Check Engine" və ya "Yağ Təzyiqi" işıqları yanaraq sürücüyə xəbərdarlıq edə bilər.

-Mühərrik səs-küyü
Yağ filtrində problem olduqda və mühərrikdə lazımi yağ axını təmin edilmədiyində mühərrikdən normaldan daha yüksək səslər gəlməyə başlaya bilərki, bu səs-küy də sürtünmə nəticəsində yaranan mexaniki səs-küylərdən ibarət olur və mühərrikin aşındığını göstərə bilər.

Yağ filterləri nə vaxt dəyişilməlidir?

Əksər avtomobil istehsalçıları yağ filtrini hər 10,000 - 15,000 kilometrdə bir dəyişdirməyi tövsiyə edirlər. Lakin, avtomobiliniz yüksək temperaturda, çətin yollarla (torpaq, dağlıq və ya sıx şəhər tıxaclarında) idarə edilirsə, bu halda filtrin dəyişdirilməsi daha tez, hər 6000 - 10,000 kilometrdə bir tövsiyə oluna bilər.
Həmçinin mühərrik yağı ilə birlikdə təzə yağın funksionallığını təmin etmək üçün köhnə filtr yenisi ilə əvəzlənməlidir.

Hansı yağ filtr markaları mövcuddur?
Aşağıda ən məşhur və keyfiyyətli hesab olunan yağ filtr markalarından bəzilərinin adlarını təqdim edirik:
- MANN-FILTER
- Bosch
- K&N
- Fram
- ACDelco
- Purolator

Yağ filterləri hansı qiymət aralığında dəyişir?
Yağ filtrlərinin bazardakı qiymət aralığı bir neçə faktora bağlıdır, o cümlədən filtrin markası, keyfiyyəti, avtomobil modelinə uyğunluğu və filtrin növü (sintetik, standart və s.) ilə əlaqədar dəyişir.
Yağ filterləri ortalama 5 AZN dən başlayaraq daha yüksək 500 AZN -ə qədər davam edə bilər. Bu qiymətlər həmişə arta və ya azala da bilər.

Ümumi rəy
Nəticə olaraq, keyfiyyətli bir yağ filtri seçmək mühərrikinizi daha yaxşı qoruyacaq və yanacaq sərfiyyatını, mühərrik aşınmasını azaltmağa kömək edəcək. Avtomobilnizin mühərrikinin keyfiyyətli işləməsini təmin etmək üçün vaxtında yağ və yağ filterinin dəyişilməsinə nəzarət etməyinizi tövsiyə edirik.